(RTKNews, Ed.30-03-2021)-Coordenador Pilar 7, Doutor Nilton do Carmo da Silva, informa ba Jornalista sira iha sala isolamento Tasi-tolu Dili katak agora dadauk paciente nebe halao isolamento hamutuk ema nain atus ida limanulu (150)
“iha Building B, iha salão boot ida nebe bele tau ema nian ualu (8) maibe iha building C ne kada paciente ida uza quarto ida no total casa de banho iha ne hamutuk hitunulu resin lima (75)” dehan Doutor Nilton
Doutor Nilton mos esplica tutan katak tanba iha sala isolamento Tasi-Tolu maioria ho caso lijeiro, tanba ne laiha facilidade saude nian sira kada quarto nebe maka paciente sira ocupa ba tanba maioria asintomático.
“Hau atu halo mos explicação ruma dúvida nebe maka mosu iha publico kona ba paciente sira nebe halibur malu, idane laiha problema husi parte leiteral, oin seluk quando ema iha quarentena maka halibur malu ida nebandu duni tanba ita seidauk hatene se maka positivo no se maka negativo. Aproveita momento ida nudar coordenador pilár 7 hau husu desculpa ba público kona ba imagem balun nebe espalha iha media social. Los duni pessoal saude sira halimur malu iha ne hodi han hamutuk no lolos hahalok ida ne labele aconteçe no hau hodi equipa nia naran husu desculpa no promote katak ida ne sei la aconteçe tan” Doutor Nilton hateten.
Escritor: Ruben C. da Silva
