(RTKNews Ed.27-02-2021)-Comunidade Covalima iha capital Dili precupa ho situação iha Fatumea em geral iha Município Covalima, começa husi covid-19 to condição economia povo Município refere liu-liu posto administrativo Fatumea.

Liu husi conferência Imprenssa iha loron ohin (27-02-2021) porta voz Comunidade Suai nebe hanaran an Equipa Serviço Covalima Vitoria ho Domin Rosario Doloroso Ximenes  lamenta ho condição sira nebe povo iha parte neba infrenta hanesan menus aihan, susar acesso ba be mos no seluk tan.

“Ami husu ba Policia Nacional Timor-Leste, Autoridade local, Ministerio Coordenadora Assunto Economia no ALFAESA atu halo controla no intervenção ba preço sasan básico iha Covalima nebe nia folin começa sae, ami mos husu ba Centro Logística Nacional (CLN) atu lalais distribui fo’os ba iha Covalima liu-liu fatin afetado Posto Administrativo Fatumea no husu mos atu ministerio relevante atu forneçe  subsidio ba familia vulneravel sira iha area afetado” Porta voz Rosario hateten

Grupo ne mos husu ba Ministerio relevante atu concideira no fo apoio ba  entidade Covalima oan sira nebe voluntariamente hakarak reforça serviço prevenção Covid-19 no mobilisa acção Humanitaria iha area afetado sira mos husu atu fo subsidio ba negociante sira nebe agora dadauk labele halao sira actividade hodi sustenta economia uma laran.

“wainhira la tau concideiração ba iha ami nia exigência sira urgentemente, ami husu atu oitavo governo constitucinal atu hapara ona política cerca sanitario ba Município Covalima no recomenda ba negociante sira atu labele aproveita hasae folin sasan iha Mercado no kios nebe localiza iha area afeitado” dehan Rosario

Porta voz ne mos informa katak, hahu’u ohin sira nebe involve an iha equipa ne sei ofereçe an nudar equipa serviço integrado ida hodi fo apoio coordenação no tático sir aba orgão competente governo nian iha ámbito prevenção covid-19 nian.

Escritor : Ruben