RTKNews, Ed. 25-03-2021)-Coordenador Força Tarefa, Centro Integrado Gestão de Crise imforma  katak, ba loron ohin data 25-03-2021, detecta tan caso positivo covid-19 hamutuk ruanulu resin rua (22) no recoperado nain sanulu resin rua (12).

“Caso foun iha Municipio Dili detecta iha fatin sira hanesan, Caso Positivo hitu (7)  hela iha Aldeia no Suco sira afetado iha Posto Administrativo Dom Aleixo. Positivo hirak ne halo teste PCR atu viagem ba estrangeiro. Caso positivo rua (2) caso hirak ne detecta iha Posto Administrativo Dom Aleixo no Cristo Rei. Positivo hirak ne halo teste PCR atu viagem sai husi Dili. Caso Positivo sia (9) iha Posto Administrativo Dom Aleixo no Cristo Rei. Positivo hirak ne contacto besik ho cluster sira nebe existe ona. Caso positivo rua (2) iha vigilancia sintinela, ida (1) husi Aldeia Murfa, Suco Santa Cruz, Posto Administrativo Nain Feto no ida (1) husi Aldeia 30 de Augusto, Suco Comoro no ida (1) husi Aldeia Taibessi Calma, Suco Lahane Oriental. Caso foun ida seluk iha Fatumea, Covalima, Suco Klauhalek Aldeia Baleo. Positivo ne labarik ho idade 13 no agora dadauk iha sala isolamento Suai Villa” Dehan Doutor Rui

Doutor Rui Maria mos imforma, ba Municipio Baucau, Viqueque no Lautem laiha caso foun ba loron ohin no dadus geral ba loron ohin, Caso foun ruanulu resin rua (22), Recoperado hamutuk sanulu resin rua (12) no Caso ativo hamutuk atus rua limanulu resin hitu (257).

Escritor: Ruben C. da Silva